七人之侍

今日超抵價$297入手''七人之侍''(港譯七武士)animation DVD一套, 共9隻dvd, 全26話. 呢套野早陣子係無記深夜時份播過, 但我miss左, 今日買到仲咁抵, 真係開心到暈!

我真係好鍾意武士架!!!

肚子受罪

今天肚瀉, 痾得好勁, 唔知係咪係日本食得多生冷野多!
乜都無力做, 旅行記事當然寫唔到.
只好憑畫寄意!

我自求我道

Juno, 早兩日買左佢隻新album, 很好, 成隻concept album, 神魔貫穿, 意念統一, 風格強烈, 只嫌未夠. 音樂, 詞, 錄音各樣也見出色. 坊間網上評論多得很, 不贅.

此子, 由出道開始負面新聞不斷, 實話, 很多是憎人富貴厭人貧.
但欣賞佢既低調作風的態度, 只是低頭一股兒幹, 直自''雌雄同體''呢首歌, 真係令人耳目一新. 看同期與他傳問的對手依家點! 哈哈!

我自求我道, 你有你死, 我有我番屋企!

A君、B君&C君三兄弟

A君

B君

三兄弟大合照

放假前的一晚夜班, 有個客仔好煩, 搞左我半晚, 成晚都閹D閹D要整佢.
忘裡偷閒, 用左D剩餘物資整左三隻公仔, A君、B君&C君三兄弟, 嘻嘻!
可惜C君命犯天剎孤星, 活不過黎名, 漏氣而死!

Bachelor's Reunion

結婚咁耐, 家下先搵到機會約齊班兄弟食飯, 聚一聚.
美味食物+酒+打機+暢談吹水= HAPPY AND FUN.
可惜阿安安不能來, 下次食飯佢既!

MUMMIFICATION

我阿POOH突然想變身, 好似朦面超人咁.
''蛇媽劣, shock卡!!""
登一聲, 得左!
點知變了一隻木乃衣!
汗......!!!!!!!!!

I WANT YOU NOW!!

今日係聖召主日.
聖召, 係天主對人既召喚去投身為牧者. 依家教會好須要神父, 一路都無乜新人''入行''
同阿呆係彌撒係分享, 如果自己既子女有聖召, 你會點呢?
神父戲言說:
有邊份工, 有書讀, 有大屋住(聖堂), 受尊敬, 有好好的退休保障!
我報以一笑!

WHO AM I

我係我, 我係阿魚.
自細身邊好多人話我貌似邊個邊個.

其一似黃貫中, 我都好想似佢彈結它咁勁! 不過話我似家強會開心D, 因為我同佢一樣彈bass的.

其二古巨基, 真係唔知邊忽似, 再者我一D都唔鍾意唱歌, 我仲唱得好難聽添!

其三李準基, 知唔知邊個, 韓星拍''皇的男人''個位, 真係O咀, 我又唔係女人型, 更唔係韓國人......無言留汗.

其四小田切讓, 即係拍甲賀忍法帖位日本型男, 唔..咁就查唔多!!

STAND UP& FIGHT!!

香港local band比以前多左好多, 不過band show比以前少了好多.
點解? 無乜人sponser, indie band自己攪又無咁多資金, 無live, 技術好難進步, 無live, 嚗光低, 無乜人知, 點promote隊band, 個scene又點可以成長!!

睇雜誌見到有呢個live show, 落力推下, 支持本地band sound!

時間 Time
20:00 - 23:00
地點 Venue
主 展 覽 館  B   
Main Exhibition Hall B
演出名單 Cast
11/5: 黃貫中, 24味, Dear Jane, Seasons Lee, Hardpack, 劉以達, Sonic Temple.
12/5: 黃貫中, 何超 , 秋紅 , 許懷欣, Audio Traffic, Family, Kinglychee.
門票於下列地點公開發售 Concert tickets selling locations
通利琴行 –
尖沙咀店,:  尖沙咀金馬倫里
銅鑼灣店,: 軒尼詩道
沙田店: 連城廣場
Double Park - 
銅鑼灣店:  加寧街
旺角店: 旺角朗豪坊
尖沙咀店: 新港中心
沙田店: 沙田新城市廣場
門票類別 Ticket price
HKD250.- ( 一日通 )
HKD400.- ( 二日通 )
主辦機構 Organizer
Polar Bear Production Co.
舞台, 燈光及音響 Stage, audio & lighting
Max Production Ltd.
樂器提供 Instrument sponsor
通利琴行, 通利音響工程.
查詢熱線 Enquiry Hotline
66771165

EYESHIELD 21

光速蒙面俠21,係我最近鍾意的漫畫. 一個瘦弱的高中一年級學生小早川瀨那加入高中的美式足球社的成長故事!
成長+友情+運動=必殺良方, 呢類漫畫, 俯拾皆是! 佢有乜得點呢? 其實無乜! 不過好欣賞故事角色(唔止主角一個)既態度:

成功非僥幸, 收成非一日得來,
凡人可勝天才, 螞蟻可勝大象,
唯一途徑只有努力不斷練習、練習同練習.

每一期, 每一話都睇到熱血沸騰,打呀! 我都想打美式足球!

SET! HUT! HUT!

復活節快樂

一連幾日的public holidays, 小弟要翻工, 無錯, 人係無分時間而病的, 亦需要他人無分時間去照顧.
儘管唔忙, 昨晚林林沈沈地有野做! 蠻累的!
而工餘時, 還有時間打下monster hunter, 造了一套銀火龍裝, 哈哈!

祝大家復活節快樂!!

塗鴉

番工得閒既時侯, 好鍾意拿起marker亂咁畫, 畫下畫下, 畫左好多幅, 不過大部份畫完即棄, 今日屎忽痕, 影低去, 回家用電腦上色, 好無聊, 不過好過癮! 哈哈!

駕駛

駕駛車輛, 飛車於路上,完全操控一舊機器, 我諗係男人們的夢想!
最近追呢個夢想的我亦唔例外!想著可以同阿媽和阿呆四圍去; 或者駕車到公車去唔到的地方影相, 實在是樂事!

昨天我第一堂駕駛真車, 感覺既緊張又興奮; 表現亦比我想像中好, 只死火了兩次!哈哈!

希望快D考到牌,快D出車!

Moody Day

天色頗灰, 似是從口中呼出的煙圈, 一圈一圈的!
心情也有點灰; 回南天總是讓人感到難受.

濕濕地, 像活在水世界中, 霧水就如千斤重的鐵捶壓到雙肩上, 揮之不去!
也是我最不喜歡的日子, 像樣的照片也拍不了半張!

可是今天有點不同, 遠眺南丫島, 海面上霧雲重重, 一片片錯縱地排列, 有疊在一起的, 有獨個兒的, 有大有小, 如扶老攜幼般, 雲層高度又低, 彷如一手之隔, 差不多可以隨手沾來一塊半角! 整個畫像如飄緲仙景一樣, 令我好不讚嘆!!

Spartan Fish

看罷300, 真的令我血脈沸騰.
100%官能刺激.
混雜男人們的血、汗、肌肉; 暴力滿瀉血肉橫飛!
引刀一快, 頭臚身驅立成兩截!
不理會是否歷史正確, 亦唔理劇本簡單唔合理, 留於一次元面的角色描寫刻劃! 簡單的父子情, 友情, 君臣同僚之情, 男人的情, 就已足夠!
佢地的堅持, 保衛家園不屈不撓不認輸既精神, 視死如歸既覺悟, 我好認同!

A MAN CAN BE DESTROYED BUT NOT DEFEATED!!

恐怖

小弟要成日洗牙, 奶茶嘖咖啡嘖.
洗完牙壹兩個星期已經黃哂!
洗牙其實好得人驚,
一''攀''牙,
兩個人(牙醫加護士),
四隻手,
八隻架生,
起勢係我個口係咁搞, 係咁插!!
無限既恐怖, 真係想死!

鮑思高

睇名人傳記, 學到好多野, 我看了鮑思高的傳記ge DVD.
套戲唔易挨! 成198mins, 三個多小時!
平實既表達, 無靚人, 無靚景, 無呼天搶地既情節, 無煽情催淚彈.
沒有仇恨,有的是愛;
沒有放棄, 有的是堅持;
沒有嬲怒, 有的是諒解;
鮑思高對青年人既愛, 對天主既信德, 深深振撼我!

人為悅己者容

扮靚, 人的天性, 無分男女!
我阿媽佢好潮, 見佢睇呢D少女magazine, 起初以為佢無聊睇下, 點知佢好心機慢慢嗒左兩日, 仲同阿呆講佢鍾意呢對鞋, 手袋咁!
聽到我都覺得好笑, 覺得阿媽有D返祖, 童真滿瀉!

你趕時間嗎?

今日往銀行入數, 老例排長龍.
有個7旬老叟唔知搞乜定期還是什麼, 搞左好耐, 個teller係咁重複解釋, 個阿婆唔明, 搞下搞下, 搞左十多分鐘, 蛇柄上D人開始不耐煩, 係咁話阿婆呢樣個樣, 阻住哂.
唉! 阿婆幾廾歲, 唔識字唔知呢樣個樣, 問多兩句在所難免, 張心比己, 換轉我係阿婆, 一定重煩過佢, 自己一身人的積蓄喎, 問多兩句有乜唔妥!
D人有乜咁趕時間, 遲多5分鐘係咪會死?
出奇地起哄D人起碼連個40, 嘈得最大聲個位60有5, 佢排隊都係拿$320生果金!
點解唔敬下老, 體諒下阿婆, 大家亦有老的一日!
點解? 點解?

新年雜談

新一年開始, 病得幾勁, 大感冒, 我傳阿呆, 阿呆傳我!

開始睇番戲, 呢排勁''堡''碟, 真係好正!

婚後, 人變了, 有好多野想做, 但planning好緊要, 再不是一人部隊!
有同事話我變得成熟, 穩重了! 乜真係改變咁大?

Monster Hunter Portable 2出左, 又再一次墮入呢個阬,日日屠龍既日子又番來了!
死火!

豬年快樂

同大家拜個早年, 祝大家身體健康, 豬事順景.
逗左30年利是, 係時間派啦, 真係悲喜交雜, 所謂出黎行, 與左要還.
再一次祝大家豬年快樂!

Chips'N'Daffodils

今日同阿媽行年宵, 兩母子閒話家常, 胡天胡地.
今年的水仙同蘭花特別靚. 悠悠閒閒的, 人幾多但唔算好逼!
行完佢話肚餓, 重話想食老麥, 咁就食啦, 見佢食薯條同魚柳包既開心樣子, 就好像我小時, 佢帶我食一樣.
但佢臉上的皺紋, 蒼老的樣子, 就更令我感到歲月催人, 提醒我要陪佢同關心佢多D.
唔知點解, 個刻, 好想時間停頓!

去香港化與兩極化

小弟現正學車中, 每次到學校必經海怡半島.
我好驚呢D超大型屋宛, 十幾廿幢一式一樣既樓所組成, 好似鳥魚花香, 懶有city planning既design, 好有規劃咁, 係就係好骨子, 但就毫無格調, 見到一模樣的洋樓, 一模樣的番狗, 有夠恐怖, 但這是香港的trend. 無特色變成香港的特色.

海怡半島隔邊的鴨利州邨, 係舊式屋邨, 同海怡半島正好成一大對比, 新vs舊, 富vs窮.
兩極化也是香港的trend.

一個叫香港的地方越見去香港化, 人文(民)質數越見兩極化, 這裡應叫GNOKGNOH, 呢個係乜野, sorry, 我都唔知!

一雙手

天主賜與每人一雙手, 但有一雙並不是必然的.
它每刻幫助你, 寫字, mouse clicking, 食飯, 打機, 影想, 任何事也需要手.
身體髮膚, 受諸父母, 我們仍好好愛錫身體每一部位. 有話十指疼歸心, 一雙手更應好好保護.
每天我工作需要洗手, 洗好多手, 我雙手已差不多無完好的皮了.
傳統洗手藥性鹼液已經好傷手, 現在還說唔夠好, 要轉用70% alcohol洗手, 做完任何一樣事後也要用酒精擦20秒, 那我的手還行麼?
我say no, 我拒絕!

放鬆D啦! 香港人!

棘鱗蛇鯖（又名薔薇帶鰆，學名：Ruvettus pretiosus，中文俗稱油魚，英文俗稱 Oilfish、Escolar[1]），是棘鱗蛇鯖屬的唯一品種，常見於地中海安塔利亞灣、以及各地的熱帶和溫帶海洋。根據紀錄，棘鱗蛇鯖活躍於100至800米的深層海域。體長約80至200厘米之間，最重紀錄是63.5公斤

以上文字, 可以不理, 什麼油魚, 白玉豚, 鳕鱼牛油魚.
生食唔得, 咪熟食! 熟食都唔得咪唔好食囉!
唔好理超市係咪呃人mislabelling, 唔識既野咪唔好食囉!
唔熟唔食! 咁緊張做乜?
係咪郁D又話立法又管制!
點解香港人變得咁煩, 咁fuzzy.
我唔係叫人做鵪'春', 唔standup&fight for your right!
但係唔係咁Q麻煩!
放鬆D啦! 香港人!

濕地公園乾''真真''

阿呆生日, 去了濕地公園.
唉! 政府真係好做唔做, 整天嚷著要成為國際都會,做環景保育.
到了, 濕地公園真係好dry, 乜都無, 得個殼, 指示唔好, 又無content, 花花草草雜亂無章, D配套甩甩漏漏. 點攪呀!
真係哂時間!

之後同阿呆食蠔, 食pizza, 睇詹瑞文dvd.
平凡, 但舒服.
感謝天主! 阿門!

Hong Kong Is Dying

早兩日同大佬勇落灣仔影相, 影下舊區風貌.
遊走星街, 船街, 聖佛蘭士街, 石水渠街同喜帖街.
灣仔係我長大的區, 感情特深, 今日重遊, 別有風味!
但時間係殘酷的, 今日灣仔已面目全非.
原有風塵舊舊的唐樓, 一幢一幢的坼, 剩下的也已變得不倫不纇.
整間地鋪放幾舊野同D壁報版走叫做museum. 政府做過D乜去保護?
係而家興collective memory既年代, 我地還可以影下相, 寫下blog去document. 我們的下一代又有什麼可以去memorize呢?

爛相一大堆here:

爛相

錢VS心機

呢幾日睇左兩套戲同兩套tv series既finale.

戲: Tom Cruise既MI:3同日本animation新海誠的星之聲.
MI:3係爛片就係人都知, 只不過真係爛得好緊要, 幾千幾錢萬倒水咁倒, 錢唔係咁哂, 有錢但係唔識用, 又如何!
相反, 星之聲係一條友diy做哂所有野, 除左配樂, 無的係錢, 有既係時間同心機, 短短25mins, 睇到有誠意有實力有heart! 邊個話一支弓造到D乜, 原來真係可以acheive到好多事, 睇你做唔做!

劇: Prison Break同Engine

Prison break唔雖我多講, 大家可能仲清楚過我, 有錢有心機有好劇本有靚仔有gimmick有買點, 點會唔大收, 現在仲話開拍season 3, season 2明珠台6/3有得睇, 正呀!

Engine: 唔係好收得, 可能唔講你地都唔知有套咁既野.
日劇一套, 木村托哉飾演一個過氣賽車手同一斑孤兒的故事.
無靚女, 無靚仔(如果你覺木村靚仔話另當別論), 劇本爛, 無靚景, D演員戲屎, 點攪? 但係條story line 好感人, 我喊到死左收唔到聲.
咁究竟要好劇本定係要感人呢?

Picto-Personality

上網無聊心理測驗!
hehehehe!

The Picto-Personality Test You are a person who is very ambitious, and constantly thinking of ways to further your own goals. When alone, you like to spend your time doing something that will better yourself. You are romantic, and when you are with your partner you like to woo them with your imagination. In the future you will be happy and live richly.

Take this Test at QuizGalaxy.com

I AM FINE

早陣子有D不快事發生, 寫了一blog entry, 與阿呆傾訴過.
但身邊的友人對我真的很好, 雖然大半人不知事情起因由來, 但很關心並支持我.
一餐茶,
一個msn msg,
一個sms,
一個email,
一首歌,
一句問候.
小弟從不孤單, 你們的愛, 我是深深地感受的.
那時唔開心, 常聽笑忘書,
心好了點, 常聽愛會重圓.

就好像薯條鬥傑青,笑忘對愛會.
結果顯而易見!

I AM FINE, THANK YOU!

男人三十''狗''流流

今日同大佬勇閒談, 講到大家自身三張野, 都好似無乜成就, 近呢十年多就似''狗''流流咁, 日復一日地過, 做過D乜, 唔係好知? 令一個同事都有咁既諗法.
我又做過D乜呢? 懶到嘔!
不過唔怕遲, 依家有blog, 又youtube, 又myspace, flickr乜乜物物, platform多的是, 有periphery, 只不過睇你做唔做!
今年無new year master plan, 只要''的''起心肝做D野, 一D係屬於自己的事, 一個屬於自己的夢與回憶!

愛在雞翼漫延時

昨晚, 阿呆焗雞翼, 係第二次焗雞翼, 當然好好味.
早兩天第一次焗時, 我地兩個''卜''係個鑪前呆左咁望住D雞翼, 現在諗翻都覺得有D痴線. 但開心的.
焗完後, 成間屋香哂!
哈哈!

我不是憤怒, 但很憤怒

同大家分享我的一個in person經歷.

某夜, 我當夜班. 返工時, 一個客仔condition唔係好得, 血壓好低, 心跳好快, 有內出血的跡像, 內出血亦係佢入院的原因. 我立即call大佬人來搞, 大佬經驗淺, 唔識點整, 我叫佢call大大佬來; 大大佬來了, 又le又lu, 唔識攪之餘有唔想搞, 期間client血壓越來越低, 唔俾D鹽水或藥佢, 大大佬闊佬懶理, 乜都唔做, 又話驚呢樣, 又話驚個樣, 我同佢講, 佢驚的話就搵第二D department既人來搞, 佢好hesitate咁, 最終搵了, 不過明知唔關佢地事, 咁做自不過係佢嘗試捨隻鑊俾人地. 最終我叫佢搵ICU, 佢唔想唔想下搵左, 不過個client已經不醒人事, ICU大佬來到, 只有擰擰頭抱怨表達不滿! 亦要同客仔插呼吸喉,.......................

依家個client已經無得攪, 要用高劑量既強心藥吊命, 係彌留狀態.

I have nothing to say, i am so weak and powerless that i can't do or change something when i want to!

斗室培育

屋企多了個新成員, PC小小小小白.
似imac既外型, 雪白色彩, 加上同樣白色的mouse, keyboard. 真係可愛到極點. 機身係無既, 因為放在書檯下, 當見唔到. 最開心莫過於阿呆, 佢既電車生活翻來啦!
第一晚入屋, 我地兩條友上網睇番叱坼, 凍凍地, 煮個麵, 係50呎唔夠的斗室看到兩點多, 開心、篋意的.
有人鍾意泡, 鍾意去HIP、Dragon-i癲, 我兩喜歡係斗室做沙甸.

P.S. 多謝大佬勇幫我砌機!

笑忘書

愛就像一面鏡子.
破鏡永不能重圓.

一個沒又愛眼神,
一句冷冰冰的說話,
一度厭惡的表情,
一個無意義的動作.

三十年的感情, 呼一聲地吹走, 一滴不留.
他走他的路; 他往東, 我向西, 可惜地球不是平的, 我們還有機會見面.
我尊重他的決定, 人心本無二致.
鏡碎了, 有的會修補, 有的會甩丟; 我曾修補, 一次又一次地碎, 再用也失了意義.
心真的受傷了, 亦是時候將它放下!

得到同樣快樂, 彼此亦有苦況!

06回顧

排名不分先後

1. 大個仔~結婚
2. 寫blog
3. 擁有第二部DLSR, 第一部賣了
4.一日內被影左過千張相
5. 一日內由大笑笑到零笑容
6. 一年內出三次門
7. 一年內到過5個機場
8. 搬屋
9. 買左好多電器
10. 工作外人際關係有好的改善
11. 工作上的人際關係直插谷底
12. 就來變電車男之王, 上網條癮越來越勁, web 2.0的威力實在太得人驚啦!
13. 結它退步中, 都無乜得好退, 接近無拿過上手
14. 今年使了好多好多錢
15. 買左NDS
16. 見翻好多好耐無見的人, 好人, 壞人, 衰人仇人乜都齊

仲有好多, 記唔哂, 會在update!

28 days later

放完假, 28日, 翻工真係唔慣, 完全唔識做野!
一翻工, 即變臉, 對住D8s同一''炸''煩既clients.
不過諗到放工後又係令一個世界, 有motivations, 有盼望! 即刻開心哂!

冬至

第一次做冬, 一家人做冬, 人數由兩個加到三個, 好開心!
好溫暖, 冬大過年, 無野開心得過一家人圍埋一檯食飯!
要感謝, 要珍惜同屋企人的每一刻、每一秒!
免得恨愛難返, 愛得太遲!

Day 3 Aswan-Abu Simbel Temple

係出左一日汗, 無沖涼、 搖了12個鐘火車、二人五袋行李焗住係50呎連兩張床既情況下到了Aswan.
到步後, 首先到全世界第三水壩''HIGH DAM"", 跟住到未完成方尖碑, 唔好問我係乜野, 總知係古埃及野. 呢D都無乜特別, 而係之後既Abu Simbel Temple. 係Aswan去要坐2個半小時車, 途經Sahara沙漠, 咁大個仔第一似到沙漠, 仲要係呢個咁堅既!!

第一次
1. 親眼見到海市辰樓
2. 親腳踏足Sahara, 萬哩無雲, 好哂, 不過無想像中咁熱
3. 係Sahara小便, 萬般帶不走, 唯有尿隨身, 帶唔走Sahara任何一樣野, 只好留下一點東西.
4. Sahara的sunset好美, 無敵鹹蛋黃加超正magic hour, 影相影到想死, 不過無張靚!
5. Sahara的夜空很多星, 好像香港的星星全部走難到非州般, 多到數唔哂!!

Abu- Simbel Temple, 只不過係廟一間, 但係好宏偉同震撼, 門口4尊45呎的巨像, 45呎有幾高, 巨像的耳珠已等於一過成年人身高, 裡面的colored wall carving同石像, 靚到不得了. 個廟本身已經被湖水所淹沒, unesco用了3600萬USD張整個temple坼件, 注入強化劑同chemicals, 將佢係湖底升上來, 再砌番原本樣貌, 真係呆左! 再一次, 我部D80出場! 短短2個鐘, 震撼到傻!
一來一回, 到市區已經夜晚8時, 吃過飯, 再遊夜市買手信, 好tight的一天就咁完結!

Honey 埃及~Day 2 Cairo-Aswan

差足電, 開始遊Cairo, 先到Saqqara, 全世界第一座pyramid.
是梯形的, 並不是我們認知的三角形, 細細的, 但好震撼, 係咁影相, 隨後轉戰Giza, 到訪全球最大的pyramid同獅身人面像 遠看好細, 行到埋去, 嘩, 一舊石成半層樓咁高, 超勁, 入埋去個coffin chamber, 超感動, 感到世界之大, 自己的渺小, 天主的偉大! 插曲一段, D egyptians 好 passionate, D細路仔起駛咁同我地影相, 嘻嘻.

下站到Cairo Museum, 係guide詳細的解說下, 睇到並了解每一件pyramid的出土文物真蹟, 圖坦卡門的真黃金面具, 短短2個鐘, 超充實, 像上了一課Egypt歷史課.
後乘夜火車, 12小時, 南下Aswan, Egypt最南的一個重鎮, (Cairo在北方).
好特別, 未試過火車旅行, 不過無得沖涼!

睇相請click我

Honey 埃及~Day 1 HK-Doha-Cairo

搭左7、8個鐘機, 以為直到Cairo, 點知要轉機, 去左Doha, 卡塔爾首都, 要等6個鐘先轉機, 咁airline送左個citytour俾我地, 需然得2、3小時, 不過又去多個地方, ok la, 係市中心遊一圈, 到到亞運會會場咁, 但令我流下印象的是, Qatar的天空, 好清好藍, 影相一流, 又路經Qatar電視台, 不過見唔到拉登, hehehe..........!

轉機到Cairo, 到hotel已經晚上9時, 又累又想睡…......, day 1 完結.

卡塔爾的相, pls click me!!

123

我同阿呆大喜之日.
早一晚睡得幾好, 因為食左安眠藥!
那天早上, nervous到不得了, 唔係好知自己早緊乜!
但係D兄弟重nervous過我, 佢地好care每一個detail位!
接新娘玩遊戲, 個個都好落力, 阿安同姊妹阿寶兩個真係絕配!

到了church, 時間有D落後, 我真係worry到不得了, 但阿don同阿勇好勁, 不論安排座位、decoration跟得好足, 同埋好照顧到我媽媽的感受, (physically, Mentally&Psychologically).
係church, 講了一番心底話來, 這短話想了好久, 但始終漏了很多人未多謝.
church的報置很美, choir唱得很好聽, Youth Association好勁, 好多謝佢地每一位的付出與愛.
其實我係church時仲係好緊張, 整天在''卒''尾指的玉戒子, 黃生黃太話我似賭神!

晚上到為酒家, 左左右右要招呼來賓, 又係咁影相, 影到面容僵硬, 接近零笑容.
整晚氣氛好好, 阿當同阿勇更加剎哂! 滿場飛, 座位安排得超perfect, 又同酒樓夾rundown夾得好好, 成晚好smooth, 一D甩漏都無, 食物水準我唔知, 無乜點食, 不過D waiters招呼不錯, 整晚高潮係一眾兄弟以一身特別打扮, 伴我進場唱歌搞喊阿呆.
謝謝佢地既勇氣, 將人生尊嚴降至新低點!
亦要多謝ming ming 一班同事, 成個idea加execution都係佢地每個人既點點心思!

感謝我既兄弟, 即頭係史上最強兄弟團!

感謝阿當既落力與細心!
感謝阿勇既慎密安排同投入!
感謝阿德既支持, 時刻派定心糖給我!
感謝阿安既付出, 佢同阿寶搞氣氛真係好掂!
感謝阿仔既放工後仲要直踩成晚!
感謝Terence默默地做野!
感謝George將佢尊嚴降至新低點!
感謝各姊妹既支持與幫忙!
感謝阿ball同大學由之前個日已幫我們打點一切, 亦要感謝清喜哥哥既拔刀相座同耐性!
感謝阿蛋做了全日makeup artists, 係一整日!
感謝明明一眾姊妹既整喊阿呆補完計劃!
感謝Winsa既令到我們可以無野顧累, 全力前行!
感謝list不盡.

我們真係感受到天主對我地既愛, 藉各人的一言一行.

再一聲謝謝!

BIG DAY

今天是我和阿呆結婚大喜之日!

謝謝!