又少一條光棍

10/11, 好友樓上結婚了!
整個ceremony, 簡單而隆重, 看到他的媽媽, 妹妹, 就連我的母親感動流淚, 連硬漢子的他也眼濕濕, 不感戥他高興.
同輩的, Andy及我, 接著到他一一成家立室, 世上一條光棍少了一條, 好男人多了一個!
呢陣子, 一句話又再浮現心頭:

婚禮一日, 婚姻一世!

祝願他們白頭到老, 幸福永遠!

雪笳、紅酒、安格斯

日前同阿當, 樓上一行三人到大浪西wild camp.
很久未試過啦!
常人去camp會煎下蛋通心粉, 而我地就食雪笳飲紅酒同煎安格斯牛扒(用日本立山黑部既鹽鹽燒), 偽中產化表現既極至! 加上阿呆既愛心雞翼; 當場重了三數磅!
翌日行山, 上雙鹿石澗, 好難行, 不過我點都行哂, 對於我呢D不動產(唔運動仲要囉剷都唔郁既人), 簡直登上左我既玉珠峰!留汗............
係美不勝修既石澗影響下, 佢地二人狂性大發, 玩跳水, 呢個近乎自殺既行為, 全部俾我納入鏡頭, 有相為証!
香港, 其實仲有好多靚地方!

當2007新牌仔遇上極善老師駕著Camry暢遊大帽山去

早兩天, 考了牌第一次揸車.
當然有阿當伴住, 心情難免緊張, 揸左兩個圈, 好D先出大路, all the way由九龍灣到大帽山再落元朗, 當然係龜速啦, 無打緊, 無損我的駕駛樂趣, 佢教得好好, 令我feel secure之如又放膽比我去(不過我都去唔得快).
上到山, 我地好開心, 阿呆係第一次到, 我都係第二次, 三人行, 吹吹風, 好不寫意(不過缺了debbie, 掙d). 不過我吹病左, 呵呵!

跟住到Auntie燒野食, 飲下酒, 吹下水!
人生如此, 乎複何求! 感謝天主!
再次俾auntie醃既Lamb Chop所征伏!
我已經變左李家羊扒大王了! 嘻嘻!

Touches, rocks and wins

生日, 自我獎勵, iPod Touch一部, 阿當送我Shure耳機, 樓上送我JBL喇吧一對.
忽然, 音樂再一次擁抱我.
金屬音魂不死, 再次燃燒著我!

JBL rocks,
Shure wins,
iPod Touch touches me.

Shades of Grey

從小就很愛乘渡小輪, 至今未變.

愛嗅那下層機房傳出的柴油味(唔肯定係咪柴油);
被那帶微咸而濕濡的海風吹過的感覺很複雜.
眼光亦時常被乘客眾生相吸引, 忙過不停!
維港兩岸的景致, 尤是夜景, 仍是美麗!

那十多分鐘的船程, 是一個神聖又自私的儀式!

可是填海連年, 維港兩邊越發相近, 行船時間明顯縮短! 加上他沒有做好呢分工, 天不但沒藍, 煙霞濃厚程度有增沒減, 只有灰朦朦的一片!

執筆是沒解地想起Billy Joel 的 Shades of Grey, 現再細味歌詞, 別有一番味道!

Some things were perfectly clear,
seen with the vision of youth
No doubts and nothing to fear,
I claimed the corner on truth
These days it's harder to say
I know what I'm fighting for
My faith is falling away
I'm not that sure anymore

Shades of grey wherever I go
The more I find out the less that I know
Black and white is how it should be
But shades of grey are the colors I see

Once there were trenches and walls
and one point of every view
Fight 'til the other man falls
Kill him before he kills you
These days the edges are blurred,
I'm old and tired of war
I hear the other man's words
I'm not that sure anymore

Shades of grey are all that I find
When I look to the enemy line
Black and white was so easy for me
But shades of grey are the colors I see

Now with the wisdom of years
I try to reason things out
And the only people I fear
are those who never have doubts
Save us all from arrogant men,
and all the causes they're for
I won't be righteous again
I'm not that sure anymore

Shades of grey are all that I find
when I look to they enemy line
There ain't no rainbows shining on me
Shades of grey are the colours I see

Shades of grey wherever I go
The more I find out the less that I know
There ain't no rainbows shining on me
Shades of grey are the colors I see

睇路呀, 各位!

今日小弟考車牌一take過pass, 興奮, 開心到傻左!
以後咁多位出街請小心睇車過馬路! 呵呵!
God bless you! Amen!

九吋邪釘

13/9, 同阿蓮去睇

Nine Inch Nails

既Live. 話哂係美國industrial rock 班霸, 點都要去下, 因為唔知有無下次.

阿蓮同我都唔係佢既diehard fans, 對佢D歌唔係咁熟, 加上勁累, 地點又遠(係asia world expo), 加上外國artists來香港live都有D渣流灘, 本身都無乜expectation.

個live唔係好多人, 我諗得幾百人鬆D. 但係個個都好投入, 氣氛超high, 整隊band玩得好落力, 前後加埋查不多兩小時, 完全無holdback, 好passionate!
唱Hurt的時候, 真係感動到有D想哭!
玩Head like a hole, chorus大合唱真係超興奮!
我起哂咁''遙''又''un'', 彷忽將D壓力'fing'走哂, 開心到暈!

加上又欣賞到自己鍾意既bassist,

Jeordie White

, 真係無撼!

甦醒吧! 我體內既rock之魂!!!!!


PS, 爛想一堆,

NIN Live in HK

三年的魚眼

Lomo的fisheye camera, 買了已三年多, 呢筒film影左兩年幾, 真係長命.
唔用digital, 最近用film影了三筒, 用的是pinhole camera和呢部fisheye, 老實講, 影的時候唔知會影到D乜,
1.pinhole camera無viewfinder, fisheye有都無用, 你影不是你所睇的.
2.驚走光, 漏光
3.上film有可能上唔實, (有大本筒就咁衰左)
實驗性+亂影, 美其名snapshot, 爛相居多.
異於digital, 可以即時preview, 係等哂相的時候, 心大心細, 緊張會影出什麼來, 那種感覺和隨機性, 好raw, 好primitive.
我好享受呢個過程.

最新力作: The Fab Four
相中人物見字請速到我的相簿download! 多謝!

蘇B 821

21/8/2007

一個6磅半既男孩出世.

係好友阿蘇既仔仔, 好可愛, 得意.
Don同我開心之餘亦戥佢兩公婆高興.
這是天主賜俾佢地既禮物!

你今日閒情左未?

每逢當完夜班回家, 總會買早餐, 蛋牛治俾太座吃(佢既至愛).
今日亦如是, 不過佢special request老麥傷心恐怖樂園餐. 睇住佢食, 佢開心到好似小朋友咁, 其實我仲開心.
有D野, 看似細微不打緊, 這些並不是必然的, 要珍惜!
買餐送玩具, 隨意放到綠葉上, 用手機影低, 咦! 效果不俗, 心中暗地叫好, 大攝影師!哈哈!

閒情, 就逸至!
人都開心D!

大腦之達人

唔知大家有無同我差不多既experience, 個腦成日唔知記左D乜, 有用既野成日唔記得, 無乜用既就記到實.
小時候, 達明一派有首歌叫排名不分先後左右忠奸, 全首詞係名字來的, 小時背過, 仲背到好熟, 唔知點解現在仲可以背出3/4來; 讀書又唔見咁叻, 中史時間年份朝號就一遢胡塗. 仲有記埋D甚麼河馬腳甲泥加水魚頭皮湯..........我諗, 我個腦唔會俾Homer Simpson大好多!

鄧小平　梅艷芳　Alan與成龍
David Wilson　跟那李柱銘
發仔　吾爾開希 (Wuer Kaixi)
裕玲　曼玉　惠珠　Rita Fan
就同利智　許家屯 (Xu Jiatun)
嘩　醉倪匡　眾多Miss Hong Kong
楊森　Joyce Ma　楊尚昆 (Yang Shangkun)
張叔平　王傑　蕭芳芳　以及Lesile Cheung
沉殿霞德華　仲有陳自強　魯平　林燕妮　王晶
Beyond　張鑒泉　張敏儀　呢　聽清楚呢對達明是那派
亞蛋跟施養德　李鵬 (Li Peng)
Stanley Ho T.S. Lo Francis Mo David Ford
Lydia Dunn伴志偉　周梁淑儀
Sir Run Run Shaw Madam Sally Aw
亦舒　俞琤和耀榮　硬軟天師還有(hai you) Allen Li
黃霑　李嘉誠
Maggie Thatcher　劉嘉玲與 Peter Tsao
Cherrie Chung B哥B嫂　嫁0左0既佳麗
嘩!仲活躍巴閉呀　勵之姓方　澤叔姓江
亞姐姓汪　佢地各位發光　呢　眾星閃爍永垂照香江

Wii人生活

最近買了Wii, 開始拿住個Wiimote起勢咁fing, 日日玩咁滯, 好耐未打機打得咁過癮.
有朋友到來, 一起玩WiiSports, 連唔打機既女友人也玩到不亦樂乎! 真係party恩物, 用projector投70吋畫面更加感動得無話可說. 自畫代表自己的icon, Mii, 係game裡面見到自己更增加投入感.
同太座二人無聊打下更可增進感情.
仲有無人敢講打機是一無事處.

八號風

今日忽然想番工
因為天打八號風
雙工唔忙好興鬆
點知好夢終成空

點解, 因為我放假囉!

爆粗band友

故 事 ： 乖 乖 仔 變 身 惡 魔 主 音 ！
根 岸 原 本 是 個 平 凡 青 年 ， 喜 歡 涉 谷 系 音 樂 ， 卻 與 低 音 結 他 手 Jagy 、 鼓 手 Camus 組 成 粗 口 樂 隊 D.M.C. ， 並 化 身 成 主 音 兼 結 他 手 Krauser 二 世 。 只 要 一 上 妝 ， 他 就 大 唱 粗 口 歌 ， 落 妝 後 的 他 卻 是 個 膽 小 青 年 ， 間 中 偷 偷 去 公 園 玩 涉 谷 系 音 樂 ， 唱 清 新 民 歌 。 他 羞 於 把 自 己 的 真 正 身 份 告 訴 家 人 和 意 中 人 。 D.M.C. 隊 Band 紅 到 不 得 了 ， 根 岸 內 心 勁 掙 扎 ， 搞 出 唔 少 笑 話 。
source from appledaily.atnext.com

世事如奇, 好多人想做自己做既事, 可惜事與願違.
本漫畫既主角就係呢纇典型人物; 睇到我好有共鳴, 主角想玩清身既涉 谷 系 音 樂, 但唔知點解變了重 金 屬 , 仲好hit, 相反佢既pop song就無人欣賞.
我就好想搵隊band夾下, 但係就點都搵唔到適合既, 哎!

D日本fans真係好crazy, 用書裡面既lyrics作左好多歌, 水準不俗!





目覚めよ悪魔
血の呪文が聞こえる
赤ん坊の泣き声

グロテスク内臓爆破
グロテスク内臓とびちり
グロテスク流血噴射
グロテスク目ん玉とびちり
グロテスク精神破壊

全ての者達　悪魔に魂を売れ


mp3 source from http://dmcopy.seesaa.net/

攝影之原點

阿Don同Debbie送我一部相機, 一部針孔相機, 最原始的相機, 仲要自己砌的.
砌完後拿拿林影了一筒film, 好開心, 起碼我diy的相機function normally, 無漏光, 整筒film無走光, 乜都係最primitive的, 對焦測光瀑光, 真係攝影之原點. 最nervous莫過於等沖film的時候, 好驚筒film走光, 好在乜時都無, 一個好的開始.

雞毛

雞毛, 即係阿港, 阿Jim, 又係阿仔, 亦係我的好兄弟, 更係我結婚上的兄弟.

大家做同事做了一段短時間, 但就健立左一段好的感情.
看著他成長, 越發向上, 心感高興!

佢搬新屋, 戥佢開心, 成為海狗, 為佢高興, 打從心底的高興!

雞毛, 有無限既可能性, 期待雞毛可進化成乜野!

我們都是這樣長大的．我們都是這樣熱死的

小時候, 天氣縱熱, 但清爽通風, 廿多度底下, 係屋企吹風扇也覺涼快, 心靜(淨)真的自然涼.

我們都是這樣長大的.

依家, 空氣污染, 工業廢料, 屏風樓, 全球暖化, 人口擠迫, 缺乏城規...............
令氣溫慢慢加速, 廿度無乜風既日子已經熱得死人.........

看了Al Gore的An Inconvenient Truth, 對呢D問題有更深的了解, 現在想解決已太遲, 但係我地又係咪乜都唔做睇住我們既星球、家鄉死呢?

再係咁落去, 我們都是這樣熱死的!!!

今天的我很喜歡這張照片這種感覺好像沐浴於清新的雨後陽光

夏天影相係件苦差, 好熱;
烈日當空下影相就似比人剎死;
係毒日下暴哂兼帶齊長短火架生腳架, 痛苦猶如比人先姦後剎, 剎完再姦一樣!

但係我好鍾意這種感覺!

Rocket Dive

小弟工傷, 撞傷腳. 跟手續, 到A&E睇醫生.
醫生話我大腿骨折.......................係無既,
大腿肌肉撕裂..............都係無既,
只不過普通外傷.
同工及同事們, 叫我拿幾日假休息下, 仲叫我有咁多, 囉咁多, 唔好蝕俾公司.
本身我有無假都無所謂, 但醫生俾了, 當抖下都好!
一間大大大機構, 搞到D staff係咁sick leave, 一D鬥心加歸屬感都無, 係咪好失敗呢!

有時諗, 飛上月亮乜都唔使諗幾好呀!

SAD BUT TRUE

男人就係咁衰!

十年

鋪天蓋地的慶祝activities賀回歸, 好似話過逾過百樣.
就讓我地唱歌仔一切開心下!
請大家每天大聲頌唱三遍!

MV and Lyrics轉載自 http://plastichk.blogspot.com

鋪鋪膠都彷彿泥濘 撻到你好應 成全這懵董變巨星
ＩＱ唐開Show都爆笑 免費派飛了 盈餘計錯　就愛亂 Fing!
期望坦克碌豬取勝　得到了絕症 金紫荊章填命
無能人士亂嗡也力拼 是誰埋沒馬力　做賣國精英

福佳始終有你！（福佳始終有你！）拍馬屁聲響足一世紀
普選偏偏冇我？ (普選偏偏冇我？) 八萬五驚喜慘於去死
當底褲！當絲襪！當胸圍！
傲慢冷嘲各種冤氣 不捨不棄 陪笑了不起　福佳始終有你！

天星鐘追憶起暴動 同志勿有感應 和諧靠你　亂掟菠蘿
期望坦克碌豬取勝　得到了絕症 金紫荊章填命
無能人士亂嗡也力拼 是誰埋沒馬力　做賣國精英

坦克碌豬靠你！（福佳始終有你！）拍馬屁聲響足一世紀
普選偏偏冇我？ (普選偏偏冇我？) 八百張飛選多一世紀
玩謝你 送酒席 送主席
傲慢冷嘲各種冤氣 不捨不棄 陪笑了不起 坦克碌豬靠你！
(國︰毛主席在這裡) 拍馬屁聲響足一世紀
（玩謝你～Yeah )　普選偏偏冇我？
(國︰Anson Chan 在哪裡？) 八百個選委選一世紀
三謝禮 拜天地 葬天地
傲慢冷嘲各種冤氣 不捨不棄 陪笑了不起 福佳始終有你！

董&輝

董輝, 並唔係聰 明 笨 伯個位.
而係董建華同李登輝.
昨晚係看新聞, 李登輝到訪日本, 去靖國神社拜祭佢阿哥, 跟住係press con發言講台獨, 細路我唔曉政治亦唔講, 不過佢發言時係用流利既日文, 真係唔明, 明明係炎黃子孫, 仲要係國際人物前president乜乜物物, 點解唔用英文講而用日文, 失禮無興又唔大體, 放棄自己既民俗identity, 睇到唔開胃, 聽到眼火爆!
* * *
董伯伯, 睇佢越來越老, 係佢在位特首時, 大家都無好日子過, 以前覺得佢好唔掂, 現在回想, 特首呢個位係唔會有人做得好, 佢唔好彩, 之前經濟唔好又sars又禽流, 佢做得唔好係事實, 不過佢好用心為人民又無需置疑; 現在見到佢, 反而有D喜歡佢, 有種親切既感覺!

癲了、瘋了、何時了??

近日身邊友人、同事起勢炒股票; 程度瘋癲得令人髮指.
唔知頭唔知路係咁買, 呢頭買個頭賣, 賺快錢好似好易, 但係係呢個bubble將爆之時咁投機, 我覺得好大risk同唔理智, 隨時損手斕腳做蟹.
錢係咪咁緊要, 要搵咁多, 人生在世係咪淨係要不停搵銀, 無第樣野呢?
人人都係natural born shopping freak, 但係買野買到咁提心吊膽, 唔好預我!

炎炎夏日

放工後, 天氣很差, 下著大雨, 那裡也去不成.
回到家, 與媽閒聊一陣子; 喫了她煮的簡餐.
在冷氣下看DVD; 午睡了一回.
夜了與太座一起看溏心風暴. 欣賞友人送的地藏樣子的香芬座緩緩噴出香煙!
簡簡單單的一天, 舒暢的一個炎下日子!

護士與消防員

今日讀報, 很sad, 不幸的事有兩件令我心懷點感觸.
一位護士上班中不幸被貨車壓到誓世.
一位消防員與大火搏鬥不幸殉職.
香港的公共服務其實不俗, 護士係人手嚴重不足下仍然能夠提供有水準的care.
消防與救護又有什麼7-9分鐘的服務誠諾.
看sars時, 台灣的醫護人員爭相逃亡;
大陸, 無論救人救火的有水'磅'水, 無水散水的態度.
香港的無論quality或atitude肯定超班了很多.
可是香港人並不以為然, 時常有很多很多的complaint、complaint同complaint!
不是那股救人幫人的熱血精神, 是不能夠撐下來的!

MAY GOD MAKE PEACE UPON THEM!
THE NURSE & THE FIREMAN, R.I.P.

札、登、洞、函、小

日本北海道8日之旅, ''暑''一聲咁就完了.
去旅行故之然開心, 但開心到似再度密月咁, 要感謝的.
亦有好多趣事發生.

札榥: 老實講, 有D悶, 無乜驚喜, 可能女士開心D, 印像只有shopping, 只計summer, winter有雪祭, 另人回事.

登別: Famous的溫泉區, 行完地獄谷睇完景點, 翻hotel浸溫泉, 浴場落地大玻璃300度望住地獄谷, 有夠爽呀! 回到房食晚餐, 懷食十幾式, 有新鮮sashimi+長腳蟹腳, 食完再浸, 正啊!

洞爺: Another 溫泉區, 由于無乜銀, 全程只有登別住豪既, 點知入到hotel, 嘩一聲, 270度湖景房. 夜晚可以係房睇煙花, 超浪漫!

函館: 為左睇同影世界三大夜景之一, 香港及拿坡利. 上函館山山頂, 9度多D加超大風下''瀑''左個幾鐘, 影到啦! 不過我覺得香港靚D! 第朝去了朝市食魚生飯, 有D痴線, 晨早流流食魚生, 仲食左三百幾蚊, 不過抵既, 勁正, 超好食, 喪新鮮!

小樽: 旅遊書健議半日遊, 但我地玩左兩日, 運河的晚上真係幾浪漫, 不過好凍!
第日行街, 建築滿有懷舊色彩, 一切造了個音樂盒, 感覺良好!

再札榥: 都係悶, 不過食左超抵又好又大件既回轉sushi, 同特上和牛! 哎啊!!七宗罪既貪吃GLUTTONY, 中哂!

雜記:
第一次同阿呆睇同影煙花.
第一次整音樂盒.
第一次係外地落哂tripod影夜景.
第一次係外地打爆機械人大戰.
第一次影相影爆6張memory card.

七人之侍

今日超抵價$297入手''七人之侍''(港譯七武士)animation DVD一套, 共9隻dvd, 全26話. 呢套野早陣子係無記深夜時份播過, 但我miss左, 今日買到仲咁抵, 真係開心到暈!

我真係好鍾意武士架!!!

肚子受罪

今天肚瀉, 痾得好勁, 唔知係咪係日本食得多生冷野多!
乜都無力做, 旅行記事當然寫唔到.
只好憑畫寄意!

我自求我道

Juno, 早兩日買左佢隻新album, 很好, 成隻concept album, 神魔貫穿, 意念統一, 風格強烈, 只嫌未夠. 音樂, 詞, 錄音各樣也見出色. 坊間網上評論多得很, 不贅.

此子, 由出道開始負面新聞不斷, 實話, 很多是憎人富貴厭人貧.
但欣賞佢既低調作風的態度, 只是低頭一股兒幹, 直自''雌雄同體''呢首歌, 真係令人耳目一新. 看同期與他傳問的對手依家點! 哈哈!

我自求我道, 你有你死, 我有我番屋企!

A君、B君&C君三兄弟

A君

B君

三兄弟大合照

放假前的一晚夜班, 有個客仔好煩, 搞左我半晚, 成晚都閹D閹D要整佢.
忘裡偷閒, 用左D剩餘物資整左三隻公仔, A君、B君&C君三兄弟, 嘻嘻!
可惜C君命犯天剎孤星, 活不過黎名, 漏氣而死!

Bachelor's Reunion

結婚咁耐, 家下先搵到機會約齊班兄弟食飯, 聚一聚.
美味食物+酒+打機+暢談吹水= HAPPY AND FUN.
可惜阿安安不能來, 下次食飯佢既!

MUMMIFICATION

我阿POOH突然想變身, 好似朦面超人咁.
''蛇媽劣, shock卡!!""
登一聲, 得左!
點知變了一隻木乃衣!
汗......!!!!!!!!!

I WANT YOU NOW!!

今日係聖召主日.
聖召, 係天主對人既召喚去投身為牧者. 依家教會好須要神父, 一路都無乜新人''入行''
同阿呆係彌撒係分享, 如果自己既子女有聖召, 你會點呢?
神父戲言說:
有邊份工, 有書讀, 有大屋住(聖堂), 受尊敬, 有好好的退休保障!
我報以一笑!

WHO AM I

我係我, 我係阿魚.
自細身邊好多人話我貌似邊個邊個.

其一似黃貫中, 我都好想似佢彈結它咁勁! 不過話我似家強會開心D, 因為我同佢一樣彈bass的.

其二古巨基, 真係唔知邊忽似, 再者我一D都唔鍾意唱歌, 我仲唱得好難聽添!

其三李準基, 知唔知邊個, 韓星拍''皇的男人''個位, 真係O咀, 我又唔係女人型, 更唔係韓國人......無言留汗.

其四小田切讓, 即係拍甲賀忍法帖位日本型男, 唔..咁就查唔多!!

STAND UP& FIGHT!!

香港local band比以前多左好多, 不過band show比以前少了好多.
點解? 無乜人sponser, indie band自己攪又無咁多資金, 無live, 技術好難進步, 無live, 嚗光低, 無乜人知, 點promote隊band, 個scene又點可以成長!!

睇雜誌見到有呢個live show, 落力推下, 支持本地band sound!

時間 Time
20:00 - 23:00
地點 Venue
主 展 覽 館  B   
Main Exhibition Hall B
演出名單 Cast
11/5: 黃貫中, 24味, Dear Jane, Seasons Lee, Hardpack, 劉以達, Sonic Temple.
12/5: 黃貫中, 何超 , 秋紅 , 許懷欣, Audio Traffic, Family, Kinglychee.
門票於下列地點公開發售 Concert tickets selling locations
通利琴行 –
尖沙咀店,:  尖沙咀金馬倫里
銅鑼灣店,: 軒尼詩道
沙田店: 連城廣場
Double Park - 
銅鑼灣店:  加寧街
旺角店: 旺角朗豪坊
尖沙咀店: 新港中心
沙田店: 沙田新城市廣場
門票類別 Ticket price
HKD250.- ( 一日通 )
HKD400.- ( 二日通 )
主辦機構 Organizer
Polar Bear Production Co.
舞台, 燈光及音響 Stage, audio & lighting
Max Production Ltd.
樂器提供 Instrument sponsor
通利琴行, 通利音響工程.
查詢熱線 Enquiry Hotline
66771165

EYESHIELD 21

光速蒙面俠21,係我最近鍾意的漫畫. 一個瘦弱的高中一年級學生小早川瀨那加入高中的美式足球社的成長故事!
成長+友情+運動=必殺良方, 呢類漫畫, 俯拾皆是! 佢有乜得點呢? 其實無乜! 不過好欣賞故事角色(唔止主角一個)既態度:

成功非僥幸, 收成非一日得來,
凡人可勝天才, 螞蟻可勝大象,
唯一途徑只有努力不斷練習、練習同練習.

每一期, 每一話都睇到熱血沸騰,打呀! 我都想打美式足球!

SET! HUT! HUT!

復活節快樂

一連幾日的public holidays, 小弟要翻工, 無錯, 人係無分時間而病的, 亦需要他人無分時間去照顧.
儘管唔忙, 昨晚林林沈沈地有野做! 蠻累的!
而工餘時, 還有時間打下monster hunter, 造了一套銀火龍裝, 哈哈!

祝大家復活節快樂!!

塗鴉

番工得閒既時侯, 好鍾意拿起marker亂咁畫, 畫下畫下, 畫左好多幅, 不過大部份畫完即棄, 今日屎忽痕, 影低去, 回家用電腦上色, 好無聊, 不過好過癮! 哈哈!