凍到死

U Right, 合俊執笠, 泰林死埋, 美國市累死全世界.
恆子跌破萬四點, 樓市一池死水. 各行百業有排挨, 真係冰河時期, 全香港人有得震無得'fan'.
Migu呻無單, 阿當可以執office執兩日, 佢地仲話好多行家做唔住.
香港人, 唯有硬著頭皮, 所謂共渡時艱囉, 經濟好我享唔到, 來啦, 我預左減人工啦!

picture from wikipedia

又來啦!!!!!!!!!!!!!!!!!!!!!!!!!

唔打芒亨既可以唔睇呢個entry!

打到上天落地仲唔夠, 依家仲要落埋水, 死未?

2009先出, 到時我個仔都出左世, 唔通禾要做帶子雄狼'咩'阿仔係背脊去屠龍乎?

It's So Good

和阿呆看罷Mama Mia! the movie, 好戲, 賞心樂事, 歌曲悅耳動聽, 歌詞到位又不失詩意! Meryl Streep加Pierce Brosnan, 老戲骨真係無得頂.
正如movie poster所寫:

A mother,

A Daughter,

Three possible fathers,

A Trip down the aisle,

You'll never forget!

真的忘不了, 簡單直接但真摯既情, 令我感動了!

依家興買copyright翻拍,香港version搵荷媽,好姨紅姨配黃錦燊胡楓譚炳文, 呵呵, 錯哂!

btw, 魚毛起勢聞歌起舞, 哈哈呵呵!

朋友....絕交

《 20 世 紀 少 年 》 漫 畫 故 事 由 1999 年 開 始 於 漫 畫 周 刊 《 Big Comic Spirit 》 連 載 ， 直 至 07 年 推 出 上 、 下 兩 冊 結 局 篇 作 結 ， 連 載 長 達 8 年 之 久 ， 而 故 事 內 容 亦 穿 越 40 年 ， 主 要 分 為 三 個 時 段 ︰ 六 十 年 代 尾 ， 主 角 健 次 童 年 與 友 人 寫 下 《 預 言 之 書 》 ， 亦 埋 下 後 來 「 朋 友 」 報 仇 的 伏 線 ； 1997 年 至 2000 年 ， 健 次 踏 入 中 年 ， 《 預 言 之 書 》 的 內 容 逐 一 實 現 ， 健 次 一 派 組 成 對 抗 以 「 朋 友 」 為 首 的 友 民 黨 ； 2014 年 至 2018 年 ， 健 次 姪 女 珈 南 少 年 時 代 ， 東 奔 西 走 躲 避 執 政 的 「 友 民 黨 」 ， 在 地 下 進 行 對 抗 活 動 。 三 段 時 空 在 漫 畫 中 互 相 穿 插 ， 拼 湊 出 一 個 環 環 緊 扣 的 故 事 脈 絡 。
Text quoted from appledaily.com

好期待呢套戲, 睇漫話已經覺得好正, 劇本好到不得了, 真係佩服佢, 咁既故事都俾佢諗到!
劇中「 朋 友 」勢力好大, 什麼政要都要向佢屈服,佢話同邊個絕交邊個就要死.

如果我係「 朋 友 」就唔得點囉, 大把人要絕交.
三鹿老闆, 切breast庸醫, 周大嶽, 係龍崗開無牌娛樂場所既公安, 成jar保皇黨啦!
個list有排數, 打開新聞全部都係錯哂既,連黑洞都夠膽死去整, 未日真係唔遠囉! 你話死未!

Re: Migu, 連基本人命都唔重視, 又點會理環保呀!錯哂啦!

身障者

身障者係日本漢字, 即係disabled, 中文係傷殘人士.
北京殘奧, 真係唔好聽, 殘殘聲, 幾難聽.
今屆奧運, 港隊一枚獎牌都無, 煲呔唔理, 係咁意整個酒會俾佢地, 佢本人影都無, 幾現實呀!
截至而家, 香港殘奧隊拿了兩面金牌, 佢繼續潛水, 只係得曾德成打個電話祝賀下. 幾涼薄呀! 大家得閒夜晚睇下北京殘奧精華, 身障者運動員既技術同毅力, 真係為之汗顏, 用輪椅代替雙腳打藍球, 網球. 無話打波, 叫一個健全人士坐輪椅周圍轆下已經氣喘如牛; 佢地比健全人士付出更多既時間和努力先有今日既成果; 我們真係要向佢地致敬同學習!
算吧啦, 對呢個跛腳同只會討好阿爺既政府唔好有期望,只求猜佢地個breast唔好闖咁多禍就算啦!
執筆時, 三鹿奶粉沒完沒了, 仲話流入香港, 睇下周一嶽點後知後覺吧啦!

picture quoted from http://english.people.com.cn

哽哽哽哽哽哽哽哽

iTunes有新version啦, preview更靚,分纇更清淅,sort好D歌,望落去似個cd架咁,感到異常暢快!

Metallica出新album,都已經無乜期望,但樂評又一致好評,好,又睇下你地有乜乎fit!

Metallica是一支美國激流金屬樂隊，1981年10月28日成立於美國加州洛杉磯。該團是激流金屬四巨頭（Metallica、Megadeth、Slayer和Anthrax）里最具影響力的一支，並影響了很多後來的樂隊，是搖滾樂發展的基石。

金屬樂隊單在美國本土便擁有5,700萬張專輯的銷量，而在美國之外則擁有着三千五百萬張專輯的銷量，樂隊的總專輯銷量剛好過九千萬張，從而使得他們成為商業上最為成功的重金屬樂隊之一。樂隊現時位於美國唱片行業協會（RIAA）美國本土最暢銷音樂排行表的第18位。

text and metallica's pictures are quoted from wikipedia 

以前紅到連Simpsons都有佢地份!

Stand Up And Fight For Your Right

A man can be destroyed 

but cannot be defeated

Soul can be torn

but cannot be sold

Vote for yourself

Question the Authority

Say NO to assholes

SEE YOU IN HELL

香港, 動感音樂之都

香港, 我為你驕傲.
香港人好有偽術細胞, 尤其係音樂方面, rap得真係無得頂,真係可稱為offbeat派既橋頭堡!

先來公民黨的

完全off beat, completely chaotic, 算吧啦!


再聽孽屎團隊

好D, 不過都係好差,歌詞更令人心寒

邊個有情有義 葉劉淑儀 >肯定有啦!

9月你選邊個 葉劉淑儀 >on9咪選佢囉!
Everybody 選葉劉淑儀 >少數人叫everybody
Everybody vote for Reginababy >唔駛同D細既(angelababy)來比既
Hey Gentleman 葉太無所不能 >佢低9能
Todo el mundo, vota por Regina
Todo el mundo, vota por Regina >無野呀, 無啦啦講西班牙話


再來民賤聯, 

聽哂成首我話你好野,

點解要rap, 有咁多野揀, 揀樣拿手D呀!

香港,我為你而感動, 感到好想動粗打人!
香港, 唔係, 遲D叫世風日下道德淪忘傷風敗德扭曲倫理港, 簡稱紐倫港, 

名乎其實動感活力之都!

聽完rap, 轉下feel, 雖然奧運完了, 都慶祝一下!

友誼的光彩-張如城

感動樂淚誠意可加之作

請留意馬叫聲!

張如城（1987年12月28日- ），香港少年歌手，號稱「亞洲神童」，被網民謔稱「章魚城」。他在2001年以13歲之齡出道，但不久就消聲匿跡。他直到2008年8月復出，令網民再度談論一時。
張如城在2000年代初期，網民對他的評價毀譽參半；某些網民更製作反對他和恥笑他的網頁、改圖等，令他成為最早期見證「網上力量」的人物之一。

quoted from 香港網絡大典
url: http://evchk.wikia.com/wiki/張如城

Next Level of Mentality

   攝於大霧山

又講下奧運, 睇女子橕杆跳, 伊仙巴耶娃一人表演,全無對手下欏金牌再破自己既世界記錄.
佢破左25次世界記錄,勁到不得了.
佢係每跳之間既休息時間,好多小動作,例如用張氈'縷'住自己, 係咁札頭髮, 又玩弄自己既戒指,臨起跳時如祈禱般向天細訴, 全部都係幫佢自己集中,自我提升,真係令我睇到入神,一級運動員既心理素質就係咁得人驚.
如果我有佢一半, 唔係咁9溜溜........算吧啦, 都係同依家一模一樣, 食饅頭啦!

photo from www.iceposter.com

To 清 or not to 清?

奧運, 全城高清熱, 你買lcd我買plasma佢買機頂盒. 究竟dum左幾多部完好無壞既電視呢?
* * *
小時, 老父買了部錄影機, 開心到我飛起, 一路睇電視一路錄, 再起勢咁翻看畫質其差錄底既節目, 有夠戇居!
* * *
早兩日買了3隻dvd, 盛惠$68, 用幾年前買既projector觀看, 70吋畫面,一樣很美, 一樣震撼!
科技既野, 走得太太太快了, 倒不如做隻蟲, 不斷往呢個叫科技既燈火追定係夠就算呢?

你高清左未?

One Man Game

One World, One Dream. 今屆奧運既口號.
TVB, ATV兩台直播錄播繼續愛鬥大.

無記話呢話路幾千萬器材又幾十人專業團隊, 咪又係好似上屆咁蝦轆百出, 播錯畫面, 主播9流流, 無知識, 唔做data research, 搞爛gag, 吹水''口翕''廢話, 問白痴問題, 全人發懵, 比賽唔緊張唔去廣告, 北京同香港直播室無默契, 成日dead air.

ATV都唔係好好; 淨係一個徐家樂已經贏哂, 專業既評述, 充足而正確並update既info, 有風度和持平既態度, 佢係前香港籃球及排球代表隊隊長,兩樣強項實食無黐牙, 其他項目瓣瓣點,睇佢講舉重真係留汗, 連我唔識都俾佢教到有D識睇同欣賞.真係超PRO!!!
可惜無乜人幫到佢, 經常一人由頭講到尾!

One World, One Dream and One Man Olympic!

山南敬助之死

一班有志、熱血之士,係同一個天空, 分享同一個夢想, 為國為民而奔跛, 成立了一個組, 名為新選組.
開組功臣之一山南敬助因擅自退組,而被賜切腹.佢有機會逃走, 但佢非但之無咁做, 仲好有氣節地說佢既死會令到整個組更團結, 佢義不容遲, 還在臨終前對後輩苦口婆心地教誨;更為了保全死相華麗而係切腹前不進食. 這種氣量, 須未至前無古人, 亦肯定有後繼者, 但教人佩服!
日劇新選組用了兩集時間去描述整件事, 劇力萬鈞, 張力之大令人透不過氣, 很好看!

偏偏那個曾蔭權說什麼民望上落如浮雲, 小家子氣焉能登大雅之堂. 做野做唔點叫無能, 為政者做戲都唔識做叫低能! 就由他繼續媚上罷! 置香港蟻民不理吧!
奧運馬術成功, 香港人民死哂!

與太座旅行才是王道(二之三)

直布羅陀是英國的海外屬地之一，位於西班牙南面，與直布羅陀海峽、地中海、大西洋相鄰。人口27,649（2002年）直布羅陀是位於西班牙最南部的地中海沿岸的一個半島，面積只有6.543平方公里，海岸線長12公里。人口2萬8千，三份之二的人口為義大利、馬爾他和西班牙人後裔。英國人約5,000；摩洛哥人約3,000；其餘為印度人、葡萄牙人、巴基斯坦人和西班牙人。整個半島分為東西兩部份，人口主要集中在西岸。直布羅陀的人口密度之高位居世界前列，每平方哩平均住上11,154人（即每平方公里4,290人）。直布羅陀屬地中海氣候，夏天乾燥和暖，冬天濕潤有雨而不太冷。除有限淡水資源，該處並沒有其他明顯的天然資源，直至近期當地人才興建集水設施蓄水。直布羅陀不斷填海，以應付土地需求。填海土地佔直布羅陀總面積約十份一。官方語言為英語，西班牙語、義大利語和葡萄牙語同樣流通。
Quoted from Wikipedia

小小的半島, day tour唔錯既選擇, 地少人多山多平地少, 所以隧道多, 有成幾十條. 背靠西班牙, 一海之隔望非州, 乜人都有, 各式文化大溶鑪, 環景靚加必樹一格既歐州小鎮風情, 所以Sean Connery、John Lennon都選擇係到結婚.仲有一多, 猴子多, 好乖好純好玩任影唔嬲, 加多一個全西南歐唯一一個鐘乳錫洞, 一日遊, ''口岩'' ''口岩'' 好!

Everything is possible

Star War 迷唔好錯過, 眼定定睇足全程!

''三味线是日本的一种弦乐器。
一般认为起源于中国的三弦，大约成形于15世纪左右。中国的传统乐器三弦经过琉球王国（现在的冲绳），产生了早期的冲绳“三线”，之后传到日本本土，逐渐成形。而早期的冲绳三线后来又受本土三味线的影响被改良成现在的冲绳三线。''
Quoted from Wikipeidia

與太座旅行才是王道(一之三)

呵呵! 風吹雞蛋殼, 財散人安樂, 先去日本再去西葡, 立即乾塘, 得左!
不過同太座一齊開開心心, 無計囉!

香港飛芬蘭轉機去里斯本, 就係呢架機唔生性delay, 攪到要係Helsinki stay一晚, 凍到痴線, 日照長, 10點先日落, 3點出太陽, 未熟睡又要起身!

好似母明咁烏下烏下

去到機場, 點知又要轉多程機, 係Belgium機場又兩個鐘, 只好同Lego先生影相打發時間.....
好不辛苦到達葡圖牙, 因delay唔夠時間, 取消花地瑪呢個行程, 係聖母曾經顯現既地方, 我同阿呆當場謝左兼O咀......

第一個行程去了一到叫Sintra既小鎮, 有個皇宮, 叫Sintra Palace, 有相為証, 唔華麗亦無大特別, 唔話你聽都唔知係皇宮; 不過小鎮風情令人好舒服, 心曠神怡, 之前既疲勞一掃清!

跟手去全歐州大陸最西既地方~Roca, 大地盡頭, 海之開端, 幾浪漫呀!

做左最西既人, 晴空萬里, 起勢咁影, 正呀!!!!!!!!!

係葡圖牙stay了一天, 市內觀光,甚麼甚麼名勝, 聽導遊講下歷史故事, '它它條條'咁好爽!

Monument of Discoveries 航海紀念碑

旅程尚未完結.........

後補遊記

溫泉旅館前

靚靚教會一間

往阿蘇山的路上

阿蘇山

高千穗

阿呆兩隻

熊本城

四月到九州一轉. 點解又係日本, 自助遊配套足機程短野好食人禮貌好咁''口岩''有平機票, 就咁囉!
四條麻'lut'仔自駕遊, 起勢食起勢玩起勢打Monster Hunter 2G, 傻左!
不過今次唔多滿意D相,唔知點解無乜mood影!

地上最強武術

泰拳, 聽得多, 電視有睇過下, 現場睇係第一次.
拳拳到肉,腳腳有力,''bang bang''聲, 睇到血脈沸騰, 好不暢快!
拳頭, 手肘, 膝蓋全部都係凶器, 諗下自己係台上被佢地踢一腳,真係好似破壞王澤村咁面容杻曲連屎都標埋出黎!唔講咁多,去片!

魚魚的音樂推介

請唔好驚,呢幾首歌全部都唔係噪到擦天,放心,easy-listening得很!

撐下本地野, 係youtube睇到呢條片,一隊叫吹波糖既local band, 有活力, melody討好歌詞有水準,結它編排很有心思,大家一定要聽聽,btw,個mv以indie band來說, 水準很高.

美國新貴I Nine, 首Seven Days of Lonely(糖衣pop song,易入口)放上ITunes free download,受歡迎得很,美女歌手+野獸三隻, 似乎呢條formula幾work, 睇下會唔會係one hit wonder! 歌名令我諗到我就去旅行,離開太座七日,真係有D lonely!

Lou Reed的Perfect Day, 好作品係經得起時間考驗, 咁舊既歌到而家仍然係好好聽,正!

餐桌的味道

昨天於老麥買早餐俾太座,人龍很長,排了隊一陣子,不期然想起以前讀書時的日子.那時,經常性獨自食飯,要方便快捷又平,老麥係我既心水選擇;吃久了便很快生厭,但學生仔無乜錢,無乜其他選擇,每晚喫著不同的餐,但也是薯條加飽和汽水,圍住我是四幅牆,對住一個公仔箱;那孤獨的味道彌漫四周,充斥著我的味蕾,差點令我窒息,天氣寒冷時更感難受.左鄰陳師拉個仔整天係街留連不回家,有飯無人食;右李鄺太太只顧shopping不做飯,仔女呆在家中無飯喫;而我有的只是一張大且方型的餐桌加無盡空氣.........

* * *

當我搬出來住, 我都係要買餐桌, 唔要摺檯唔要開合式掛牆檯唔要方型檯.

我買了一張圓型餐桌,食飯是'tum tum'圈你對住我我對住你無得走無得避既圓型餐桌.同阿媽第一次用呢張檯吃飯時,我無哭,但淚在心裡流. 

搬左幾次屋,但我都keep住呢張檯,依家無乜點用,但一過節時,三人圍埋吃飯,又或三五知己迫迫地吹下水,為我來說,就係一過circle of love,甚麼親情、友情、愛情、人情就係食物裡散發出來,充滿了呢個圓圈!

Juno少女孕記

好既電影成日有, 但好睇得來又帶正面訊息, 不乏笑料真係唔多.
Juno少女孕記正是其一,劇情我唔講大家都知會係點,導演巧妙地撇開事情的悲劇一面, 重心放係Juno, 佢父母及朋輩如何面對和解決件事,講承擔, 大吵大鬧無補於事. 而承擔呢樣野正正係而家香港社會所需要的!

題外話,配樂係呢套戲既超強項, 好聽之餘cast又強勁(新舊交容), 有:
Belle & Sebastian
Sonic Youth
Buddy Holly
The Kinks
The Velvet Underground
Hole
同埋我諗導演好鍾意Grunge, 劇中養母穿了一件Alice in chains的T shirt, 養父鍾意sonic youth之餘仲穿了soundgarden的T shirt; 仲有句對白鬧佢, 叫佢唔好發夢做rock star(以Kurt Cobain比喻)!

Photo from wikipedia